රිදුම්

ගෙනත් දුන් ආදරය
රැගෙන නුඹ යන විටක
ටිකක් නැවතුනානම්
ඇළ පාරේ අපි උන්න
ගහ යටදි හමුවේවි
නුඹට දුන් නුඹ ඉවතහල
සීතලේ වෙවුලනා උනුසුම්ව පණ ගැහෙන
හාදුවක් .......

මියෙද්දී හිරු සවස
ඇවිද යන මුහුදු තෙර
වැටකෙයිය පඳුර ලඟ
ඔමරියා ගාල මත
ඉඳිද්දී ඔබ තනිව
උරහිසට හිස තියන් මගේ අත තදකරන්
ගෙවාළු අතීතෙක
දුකක් නොම ගෙනේවිද
හෙමින් ඔබ වෙතට එන
මතකයන්......

දිනක නුඹ යන විටක
දෑතේ එල්ළී ඔහුගේ
තලන්ගම වැවු ඉවුරේ
ඇහුම්කන් දුන්නොතින්
හීන් කෙදිරිළි හඬින්
සවන් යුග රැවුදේවී
ඔබට පමණක්.......
නොම ඇසී ඔහු සවන්
හැමදාම මා එක්ක නොයමි කිසිදිනක වෙන
මට දුන්න මා ගත්තු
පොරොන්දුව.........

             

                    කටුස්සා.....