තහනම්....

කල්පයක් තරමටම වටිනවා තප්පරෙත්
ඔබ දිහා බලාගන හීන අහුලන විටක
කොබෙයියොත් ගෙට වදින රතුපාට අහස යට 
ඉඩෝරෙට අහුවිච්ච සඳත් පණ යදින කල
කළුපාට ඇස් ඇතුලේ මගේ රුව සොයන විට
ගයන්නේ සරදමටද  රැහැයියොත් නිදි වැදුන

උකුල මත සුව යහනෙ දැනෙනවිට නුඹේ අත්ල
පිළිවෙලක් වෙයිද දැන් දඟවැටුන කෙහෙරැල්ල
හැරුන විට මගෙ මුවට තදවෙනා නුඹෙ නෙරිය
හපන්නද හිමින් දැන් ඇඹරෙන්න බෑ හොඳද
ඉනවටේ වෙළුන අත සොයනකොට මුදු මෙලෙක
දැඟළුවොත් බලාගමු මරනවා මම උඹව

වදනකඳු නොදොඩාම යොමනවිට නෙතට නෙත
ඔබෙ සුවඳ දැනෙනකොට කොහොම ඉවසම්ද මම
මේ ලෙසින් රහසේම ඉන්නෙමුද හැමදාම
මටද නුඹ නුඹට මා අයිති නැති ලෝකයක
වෙන්වෙනා හැමවිටම මම ගන්න නුඹේ හිත
මගේ ලඟ දෙනෙත මෙන් සදාකල් රැකෙනු ඇත
තවම නොහැකිද නුඹට බිඳින්නට බැඳි පවුර
පලක්වෙද ඔහුට නුඹේ හිත නොමැති හිස් සිරුර


කටුස්සා....