පුරා සය වසක් නුඹේ පැතුම් හා
එක්ව ආ සුභ පැතුම මතකද...
තරුත් නිදනා නිහඬ මැදියම
නුඹ සවන් ඇඳි පැතුම මතකද...
"නිදියමුයි" යැයි මවෙත පවසා
නොනිද මග බැළු පැතුම මතකද...
"මමත් නිදි" යැයි පවසලා මම
නොනිද පැවසූ පැතුම මතකද...
පැතුම් නිදිගත් සිතුම් වල් වැද
යුගය නුඹ මා පසුකරන් යන...
මෙතෙක් කල් මා පැතූ පැතුමන්
නුඹට කියන්නට වරම් නැතිවුන...
නිහඬ සීතල සිත් තුරුල්ලේ
සෙමින් වැලපෙන පැතුම අද දින...
නොකිය ඉන්නට සිත් නොදෙයි මට
නුඹ පුරුදු කල පුරුදු වදදෙන...
තබන පියවර කටු කොහොල් පිරි
වාලුකාවක නොම රැදීයන්...
නුඹ යනෙන මග පහන් දැල්වී
නුඹේ දිවි මග එළිය වීයන්...
නුඹේ සිත රැදි මවුවත් සෙනෙහස
ඔහුගේ ලෝකය හා රැදීයන්...
පතන පැතුමන් සඵල වී අද
නුඹේ ලෝකය මල් පිපීයන්...
සියොත් කැළ අද ගයන ගීතය
නුඹේ දෙසවන සදා ඇසියන්...
මල් පිපුණ නිම්නයේ සුවඳ පොද
නුඹෙ සුවඳ හා එක්ව තිබියන්...
හිරු සඳු තරු මුතු නුඹේ දෙනෙතේ
මැකී නොයන සේ සදා ඇඳියන්...
නුඹේ සිහිනය සැබෑවී හෙට
තටු ලබා අහසෙම රැදීයන්...
සුභ උපන්දිනයක් වේවා......
කටුස්සා....
ඔන්න එහෙනම් අපිත් සුබ උපන්දිනයක් වේවා කියනවා..
ReplyDeleteඅපෙනුත් උපන්දින පැතුමක් එහෙනම්
ReplyDeleteසුභ උපන් දිනයක් වේවා
පාට වෙනස් නොකරන කටුස්සා සමග අපද එකතු වෙමු.. සුභ උපන්දිනයක්
ReplyDeleteසුභ උපන්දිනයක් වේවා කියනවා ....
ReplyDeleteමල් මල් පිපිලා පරිසරය පුරා
නව සුවඳක් විහිදෙනවා
මල්ලිලා නංගිලා අයියල අක්කල
තුටු සිතකින් පසු වෙනවා...
එන්න එන්න දැන් සුභ පතන්න
අප සැමදෙන එකතු වෙලා...
සුභ උපන්දිනක් වේවා!
ජිවිතයම සරු වේවා!
දෙවියන් ඔබ රැක දේවා!
සුභ උපන් දිනක් සුභ උපන් දිනක් වේවා!
මිනි කැට වාගේ තරු වැල් අහසේ
සඳ එළියෙන් පරදිනවා...
මිතුරන් අතරේ නෑයන් අතරේ ඔබ
අපට සඳක් වෙනවා...
ඔබ සිතන පතන රන් යුගය
ඔබට අද අදම ලඟා වේවා!
දුක විපත නොවී
සැප සතුට යසස ඔබ වෙතට උදා වේවා!
ගායනය - ජිප්සීස්
ඔබෙ සැප මගෙ සතුටයි
Deleteමුතු බිහි කරලා අනුනට බෙදනා
මුතුබෙල්ලෙකු මෙනි අද මා ඉන්නේ
ඔබෙ සැප මගෙ සතුටයි ...
කොහිද අප සෙවූ සුව සහනේ
එළිය නිවුණි දැල්වුව පහනේ
අඳුරේ නැති වූ ඉඳිකටුවක් සේ
රිදී ඉරක් නැඟ නැතිව ගියා
ඔබෙ සැප මගෙ සතුටයි ...
සත්සර නිහඬය වීණාවේ
තත්පෙළ ඉකිබිඳ තැවුණාවේ
මා ගැයු ගීතේ මට අද නෑසේ
ඔබේ කණට එය ඇසුණාවේ ...
ඔබෙ සැප මගෙ සතුටයි ...
ගායනය - එච් ආර් ජෝතිපාල
ගී පද - කරුණාරත්න අබේසේකර
සංගීතය - සරත් දසනායක
සුබ උපන්දිනයක් වේවායි අපිත් ප්‍රාර්ථනා කරනවා. රිදුම් දෙන මතකයන්...
ReplyDeleteඋන්මාදනියේ වෙන්වී යන පිටුපාලා
සංවේගය ඉවසමි මම කඳුළු හලාලා
ඔබගෙන් තව පැල්පතකට එළිය ගෙනේවා
මට දුන් දුක වෙන හදවතකට නොදැනේවා
ඔබේ දෙනෙත් අභියස එක රුවක් මැවේවා
ඉබේ සැලෙන සිත මින්පසු වෙනස් නොවේවා
අගේට දිවි කුසලානයෙ මිහිර පිරේවා
මගේ දුකත් ඔබෙ සන්තෝසයට හැරේවා
අව්වෙහි ඇති සැඩ රැස් මාලා අඩුවේවා
ගව්වෙන් ගව්වට සුවිසල් මැදුරු මැවේවා
දුක දොම්නස බාධක කම්කටොලු දැවේවා
සිහිනෙන්වත් පීඩාවක් ඔබට නොවේවා
ගායනය, සංගීතය : එච්. ආර්. ජෝතිපාල
පද රචනය : කරුණාරත්න අබේසේකර
////මෙතෙක් කල් මා පැතූ පැතුමන්
ReplyDeleteනුඹට කියන්නට වරම් නැතිවුන...
නිහඬ සීතල සිත් තුරුල්ලේ
සෙමින් වැලපෙන පැතුම අද දින...
නොකිය ඉන්නට සිත් නොදෙයි මට
නුඹ පුරුදු කල පුරුදු වදදෙන...////
අහිමි සාද හැන්දෑවකට වුව
ඉත සිතින් පැතුම් පඬුරු ගෙන ගොඩවෙන
වෙනස්ම වෙනස්.. ඒත් නොවෙනස්..
සුන්දර කටුසු හදවතේ
හිමිකාරිය නොවූ ඔබට
සුභ උපන් දිනයක්..
//තබන පියවර කටු කොහොල් පිරි
ReplyDeleteවාලුකාවක නොම රැදීයන්...
නුඹ යනෙන මග පහන් දැල්වී
නුඹේ දිවි මග එළිය වීයන්...
නුඹේ සිත රැදි මවුවත් සෙනෙහස
ඔහුගේ ලෝකය හා රැදීයන්...
පතන පැතුමන් සඵල වී අද
නුඹේ ලෝකය මල් පිපීයන්...
සියොත් කැළ අද ගයන ගීතය
නුඹේ දෙසවන සදා ඇසියන්...
මල් පිපුණ නිම්නයේ සුවඳ පොද
නුඹෙ සුවඳ හා එක්ව තිබියන්...
හිරු සඳු තරු මුතු නුඹේ දෙනෙතේ
මැකී නොයන සේ සදා ඇඳියන්...
නුඹේ සිහිනය සැබෑවී හෙට
තටු ලබා අහසෙම රැදීයන්...//
මමත් ඔය ටික හැම වෙලේම හිතනවා මචෝ. සුභ උපන් දිනයක් වේවා කියල මාත් ප්‍රර්ථනා කරනව.
දුකද්ද,හිස්කමක්ද,පාලුවක්ද,මිහිරියාවක්ද දන්නේ නැති සිතුවිල්ලක ඉන්න කොට අකුරු කෙරුව මේ සිතුවිළි කියවන්න ආවටත් ,කවදාවත්ම දැකපු නැති ඇයට සුභ පතන්න එකතු උනාටත් උඹල ඔක්කොටම ගොඩක් ස්තූතියි මචන්ල........
ReplyDeleteපරක්කු වෙලා හරි ඔන්න මාත් සුබ පැතුවා....!!
ReplyDeleteකොහේද උඹ ගිහින් හිටියේ?වැල්කම් කිවුවළු ගොඩ කාලෙකින් නිසා.....
Deletehello....sample song ekakata meke kotasak gattata kamak nedda?
ReplyDelete