Wednesday, July 6, 2016

පිදුවේ ඒ ඔබගේ හසරැල්ලටමයි ………..





"මල්ලී...මොකද කරන්නේ අද හවසට...වැඩක්ද?"

"එහෙමට වැඩක් නෑ ගැමුණු අයියේ.... කවුරුහරි කතාකලොත් study room එකට යනවා....ඇයි...?"

"මාව පොඩ්ඩක් හම්බවෙන්න පුළුවන්ද 6 විතර....? "

"අවුලක් නෑ...පුළුවන්.... "

"මම එන්නම් එහෙනම් 6 උඹේ අකමඩේශන් එකට.... කොහේවත් නොයා ඉදපන්...."

                              
...........................................................................................................................................

"උඹ මාලබේ කොහේද බං..? තව බයිට් මොනවාහරි ගේමුද....?" 

"ඕනේ නෑ ගැමුණු ඇයියේ...මේ ඇති.... "

"මේ කොල්ලෝ හරි පවුබං.පැය 12ක් වැඩකරලා මහපාරටත් තව පැය 2ක් විතර දියකරලා ඇවිත් නිදියනවා....ආපහු නැගිටලා පහුවදාටත් ඒකම කරනවා.... උන්ට ටිකක්හරි සැනසීමක් තියෙන්නේ මේ තාප්පෙ අයිනටවෙලා බොනඑක විතරයි...ඒත් ඉතින් හැමදාම කරනකොට එකත් එපාවෙනවා.... "

නවාතැන්පොල වටකොට ඇති දැවැන්ත තාප්පයට පිටදීගන රන්වන්පැහැ දියරයට තමන්ගේ සිතේ මතුවන සියළු හැඟීම් දියකරහරින විවිද ජාතීන්ට අයත්වන 1000 පමන පිරිසදෙස බලමින් ඔහු පවසන්නට විය

"මම හෝටලේක වැඩකලත් ඔයා ඇඩ්වයිසර් කෙනෙක්වුනත් අපි දෙන්නගේ ජීවිතත් ඔයවගේමයි නේද...."

"ජොබ් එක මොකක් වුනත් අපි හැමෝම එකම බෝට්ටුවේ..... මේ ජීවිතේ හරි දුකක් බං...මට ඕනේ  දුක අමතකවෙන්නම බොන්න.... ඒත් ඒක කවදාවත්ම කරන්න බැරි වැඩක් කියලා මම තේරුම් අරන් ඉන්නේ..... දුකක්වෙලා තියෙන්නේ ජීවිතේද.... අතීතෙද...... අතීතය නිසාම දුකක්වුන ජීවිතේදුකක් නොවෙන්න තව කිසිම දෙයක් ඉතුරුනොවුන ජීවිතේ ,සතුටගැන තව කොහෙන් හොයන්නද බං....."

"මොකද උඹ හිනාවෙන්නේ..... ?"

"නෑ....මම පරාදයි...ඒකයි හිනාගියේ.... "

"පරාදවුනහම හිනාවියන්....ඒක තමයි හරිම විදිහ.... දාගනින්කෝ තව...කට දිහාම බලා ඉන්නේ නැතුව.....උඹ ටිකක් වෙනස් එකෙක් කියලා මට තේරුනේ උඹ මේ කොල්ලෝ ටික අල්ලගන උන්ව xam එකෙන් ගොඩදම්මන්න පටන්ගත්තු දවසේ ඉදන්මයි....මේකේ ඉන්නවා ගොඩක් ඉගනගත්තු ලංකාවේ උන්ඒත්  එකෙක්වත් ඔයවිදිහට අළුත් කොල්ලන්ට උදවුකලේ නෑ.ඒක උන්ගේ වැරද්දකුත් නෙමෙයි....පැයගානක් මැරිලා මැරිලා එන එවුන් එන්නේ ඇදට වැටෙන්නේ කොයිවෙලාවෙද බලාගනමේකේ ඇඩ්වයිසර් කෙනෙක්වෙලා ඉදගන මට බෑ උන්ට උදවුකරන්න.පුළුවන්වුනත් මම හිතන්නේ නෑ මම ඒක කරයි කියලා.... ඒත් පැය 12 හිටගන ඉන්න උඹ එතන්ට ඇවිත් උන්ට උගන්නනවා.අන්න  නිසාමයි මම උඹගැන ඇලර්ට් එකේ ඉදගන අද උඹ එක්ක සෙට්වුනේ...." 

"ඒක හිතන්න රම් දෙයක් නෙමෙයි ගැමුණු අයියේ....මට මේ ජීවිතේ ගොඩක් තැන් වැරදුනා.එහෙම වෙනකොට මගේ වටේ හිටපු ගොඩදෙනෙක් මාව අතෑරියා. වගේම තව හොදමිනිස්සු ගොඩදෙනෙක් මට හම්බුනා. එක මනුස්සයෙක් කියන කතාවක් මතක්කරගන තමයි මම උදේට ඇදෙන් බහින්නේ

"උඹට කරපු කිසිම දේකට මට කිසිම දෙයක් එපා ආපහු....මේ විදිහට උදවු ඕනේ කවුරුහරි දැක්කොත් උඹ ගිහින්  මනුස්සයාට උදවුකරපන්...." 

ඉතින් මෙහාට ඇවිත් මාසයක්වත් නැති මට  වෙනුවෙන් කරන්න තියෙන්නේ දැනට මේ දේ විතරයි... නිසා මම ඒක කරනවා... එච්චරයි.. අපිට මේ ජීවිතේ ජීවත්වෙන්න ආසාවක් ඇතිකරන්නෙත් මිනිස්සුමයි.... ජීවිතේ එපා කරවන්නෙත් මිනිස්සුමයි.... 

ගැමුණු අයියා බැඳලද.....?"

"නෑ බැං.... ඇයි....?


"මම කොයි විදිහටද උඹට උත්තර දෙන්න ඕනේ..... 


කැමති විදිහකට....


බෝතලෙත් ඉවර එකේ ඕනේ විදිහකට කියන්න....


වෙන වැඩකුත් නෑනේ..... 


අඩේ....තව එකක් ගේමු බං..... "


"මේ කතාව මේ විදිහට මම කිසිම එකෙකුට කියල නෑ මේ වෙනකම්.....


මම දන්නෙත් නෑ මම ඇයි අද මේක උඹට කියන්නේ කියලා.....


උඹට මේක බෝරිං වගේනම් කියපන්.මම කතාව නවත්තන්නම්......

මම ඉස්කෝලේ යනකාලේ ඉදලා මට කෙල්ලෙක් හිටියා. කාලෙදි ඉතින් කොල්ලෝ කෙල්ලෝ යාළුවුනාට මහලොකු බැදීමක් ඇතිනොවුනට පස්සේ පස්සේ අපි අතර ලොකු බැදීමක් ඇතිවුනාඅපේ අම්මලා හෙන ලොකුවට වංසේ කබල්ගාපු ඔරිජිනල් නුවර කට්ටියඅම්මලත් මේ සම්බන්දෙට කැමතිවුනාමට දැනුනෙත් ඒක මහාලොකු වාසනාවක් විදිහට.කෙල්ලගේ පවුල ටිකක් බරපතල පවුලක්.ළමයි 7දෙනෙක්.මේකි තමයි වැඩිමලා.මට වඩා අවුරුදු 5ක් බාලයි.මම A/L කරලා එයාර් ෆෝර්ස් එකට ගියාට්රෙනින් පීරියඩ් ඉවරවෙලා මම ජොබ් එකට යනකොට මේකිත් කැම්පස් සිලෙක්ට්වෙලා.
කරලා කියවනවා නෙමෙයි.... හැම දේකටමකැම්පස් යද්දී සිමා කරනකොට පවා  හැම දේකටම වියදම්කලේ මම.මොකද මට අපේ පවුලේ නඩත්තුවට කියලා සල්ලි දෙන්න ඕනේකමක් තිබුනේ නෑ.ඉතින් මම හම්බකරපු හැම දෙයක්ම මම වියදම්කලේ ඒකිට....... මොකද උඹ ආපහු හිනාවෙන්නේ.....? "

"නෑ.....මට හිතාගන්න පුළුවන් මොකද වුනේ කියලා....."

"හම්ම්.....මට අදත් තේරුම්ගන්න බැරි එකම දේ තමයි මනුස්සයෙක් කොහොමද එච්චර වෙනස්වෙන්නේ කියන එක."

"ඒකේ වැරද්ද අපේ ගැමුණු අයියේ.... හැමදේම වෙනස්වෙන ලෝකෙක එක මනුස්සයෙක් විතරක් වෙනස්වෙන එකක් නෑ කියලා හිතාගන හිටපු එක තමයි අපේ වැරද්ද....."

"අපේ..... කියන්නේ උඹත්.....මම හිතුවේ උඹ බැඳලා කියලා.....  කතා පස්සේ....දැන් උඹේ කතාව කියලා හිටපන්කෝ.ඒක තවම ඉවර නෑනේ.... ඉස්සල්ලා ඔය සිගරට් පැකට් එක දීපන්.... තෝ මගේ කර දිහා බලාගන සිගරට් බොනවා නෙමෙයි....කනවා...."

මාගෙන් උදුරාගත් පැකට්ටුවෙන් දුම්වැටියක් දල්වාගත් ඔහු නැවත හඬ අවදිකරන්නට විය.

"ඊට පස්සේ මම පිස්සෙක් වගේ උනා බං... ගියදා පටන් කොළඹ වැඩකරපු මම ඉල්ලලා මාරුවක්ගත්තා වවුනියාවටඅම්මව බලාගන්න අක්කලා හිටපුනිසා  වගකීම් වලිනුත් මම නිදහස්වෙලා හිටියේ....ඔයකාලේ වවුනියා සයිඩ් එකේ යුද්දෙත් හොදට ඇවිලෙනවා.අපේ කෑම්ප් සයිඩ් එකට එච්චර අවුලක් නැතිවුනත් , නොතිබුනාමත් නෙමෙයිහවස 6න් පස්සේ කවුරුත් කෑම්ප් එකෙන් එළියට බැස්සේ එහෙම නෑ.ජීවිතේට ආසාවක් නොතිබුන මට වෙලාව වැදගත්වුනේ නෑ.මට හිතුන වෙලාවට බයික් එක අරන් මම එළියට යනවා.මගේ කරුමෙට එහෙමවත් මගේ ජීවිතේ ඉවරයක් වුනේ නෑ.කොච්චර ඔළුව අප්සට්වුනත් වටපිට ගැන ඇලර්ට් එකේ තමයි යන්නේ. ඉතින් ට්රේනින් එකේ පුරුද්ද නිසා වෙන්න ඇති.අපේ කෑම්ප් එකේ ඉදන් ගෙවල් තුනකට විතර එහායින් තිබුනා තට්ටු දෙකේ ගෙයක්.ඔය ගෙදර උඩ තට්ටුවේ ඉදන් මම යන එන වෙලාවට හැමදාම කෙල්ලෙක් මගේදිහා බලන් ඉන්නවා කියලා මට තේරුනා....උඹ දන්නවා ඇතිනේ DT එකේ සද්දේ....මම කෑම්ප් එකෙන් එළියට එනකොට ඒකේ සද්දේ ඇහෙනවා කිලෝමීටරයක් විතරවටෙන් පිටෙන් හොයලා බලද්දී  ගෙදර හිටියේ අම්මයිදුවයි.තාත්තා එංගලන්තේ ඉංජිනියර් කෙනෙක්.

පොතේ හැටියට ඔය බලන්නේ  ගෙදර කෙල්ලම වෙන්න ඕනේ නිසා දවසක් මම ඔතන බයික් එක නවත්තලා පිස්ටල් එකත් අරගන ගියා ගෙදරට. කාලේ එහෙමනේ....සර්චින් වොරන්ට් ඕනේවුනේ නෑ අපිට ගෙයක් සර්ච් කරන්න. අම්මා බයවෙලා හිටියේඒත්  කෙල්ල පොඩ්ඩක්වත් බයවෙලා හිටියේ නෑ.ඒකි හිටියේ මාත් එක්ක හිනාවෙවී.මගේ හිතටත් දැන් මොකද්ද වෙනවා කියලා මට දැනෙනවා.ඒත් හිතටත් බයයි.මොකද එහෙම කතාවක් මම බලාපොරොත්තු නොවුන නිසා.අනික ටෙරාලගේ ට්රැප් එකක්ද දන්නෙත් නෑනේ....  කාලේ කෑම්ප් එක වටේ තියන ගෙවල් දවසකට පාරක් චෙක් කරනවාසමහර කාල වලදී දෙපාරක්.අපි ඒවට නොගියත් ඔය ගෙදරට යන්න තියන උවමනාව නිසා මමත් අපේ කොල්ලෝ එක්ක පෙට්රල් යනවා කෙල්ල එක්ක කතාකරනවාඅම්මා එක්ක කතාකරනවා....ඔහොම ඔහොම මම  පවුල එක්ක ගොඩක් සුහදවුනා.අන්තිමට ඉවසලා බැරිම තැන මම  කෙල්ලට ආදරෙයි කියලා කිවුවාඒකිත් හරියට මම අහනකම් බලාහිටියා වගේ කැමැත්තත් දුන්නාඔන්න දැන් ඉතින් ගැමුණු ආපහු ලවිකරන්න පටන්ගත්තා....."

"මොන හු$## බං ඔය කරන්නේ....මම විතරද මේක බොන්න ඕනේ....බීපන්කෝ සිගරට් කන්නේ නැතුව...."

"හරි හරි...මම බොන්නම්....කතාව කියනවකෝ.... අරක්කු වලට වඩා ඒක රහයි.... "

"ඒ අම්මනම් එහෙමට අකමැත්තක් පෙන්නුවේ නෑ  සම්බන්දෙටසමහරවිට අපේ යුනිෆොර්ම් එකට තිබ්බ බය නිසා වෙන්න ඇතිඅපේ අම්මලගේ හැටි දන්න නිසා මම ගෙදරට කියන්න ගියෙත් නෑඔහොම ඉන්නකොට කෑම්ප් එකෙනුත් එක එක ලෙඩ ආවා.ඒවාත් බැලන්ස් කරගන කතන්දරේ ඇදගනයන්න මට පුළුවන්වුනාදවසක් xam එකකට බ්රිටීෂ් කවුන්සිල් එන්න ඕනේ වෙලා කෙල්ල මා එක්ක කොළඹ ආවා. එන අතරමග දඹුල්ලෙදි ආමි එකෙන් බස් එක නතරකලාමම ඒකිට කියලා තිබ්බේ චෙක් කරද්දී මම අයියා කියලා කියන්න කියලා.මම ඉතුරුවා කරන්නම් කියලාඒත් ආමි එකෙන් ප්රශ්න අහද්දී කෙල්ල බයවුනා. නිසා දිගටම ප්රශ්න අහනකොට බොරුව මාට්ටුවුනා.දැන් දෙන්නව දෙපැත්තකට දාලා ප්රශ්න අහනවාඅන්තිමට මුන් කියපි උඹ පලයන්...අපි කෙල්ල ගැන ඉන්වෙස්ටිගේට් කරලා රිලීස් කරන්නම් කියලා.උන්ගේ වැඩ මම දන්නේ නැද්ද...මට  වෙලාවේ උන්ගේ තුවක්කුවක් උදුරලා උන්ටම වෙඩිතියන්න තරම් හිතුනත් ආපහු කල්පනාකරලා මගේ මහ එකාට ගත්තා. කරලා හතර වටේටම කෝල් දිදී කෙල්ලව රිලීස් කරගත්තා."

"උදේ 6 විතර ප්රශ්නකරපු අපි එතනින් රිලීස් වෙනකොට රෑ 3ත් පහුවෙලාඑදා තියන Exam එකට යන්න වෙලාවත් නෑ.ඒත් මම කෙල්ලවත් අරගන කොළඹ ඇවිත් BC එකට ආවා. Exam එක ආපහු තියෙන්නේ තව දවස් 4න්.ආපහු එදාට Examdate වෙනස්කරගන හොටෙල් රූම් එකක් අරගන නතරවුනා.ආපහු ගිහින් එන්න කාලයක් නැතිනිසා.දවස් 3 නිවාඩු දාලා ආපු මමත් මේකි නිසාම නතරවුනාකෙල්ලගේ අම්මටත් විස්තරේ කියලා අපේ අක්කගේ ගෙදර නතරකරනවා කියලා කිවුවා.මගේ ෆෝන් එක ඕෆ් කලා."

"මම දන්නවා දැන් තෝ හිනාවෙන්නේ ඇයි කියලා.......ඇත්ත.... තමයි මගේ ජීවිතේ ලස්සනම දවස්....හැබැයි  දවස් ලස්සන වුනේ කෙල්ලෙක්ගේ ඇගක් නිසා නෙමෙයිකෙල්ලෙක්ගේ ආදරය නිසා.ඔහොම ගිහින් දවස් 4න් පස්සේ අපි ආපහු ගියාකෑම්ප් එකට ගියහමනේ සෙල්ලම.....මට පනිශ් කරලා ඉවරවුනේ නෑ.කෙල්ලගේ ගෙදරිනුත් ප්‍රශ්නකරලා තිබුනා. අස්සේ අපේ ගෙදරිනුත් ප්රශ්නකලාඔන්න ඉතින් අපේ අම්මලා රෙදි කරට ගත්තාඔය පර දෙමළියන්ට අපේ ළමයි දෙනවද අහලාමාව රටවටේට ට්රාන්සර් කරවනවා.මහ කරුම කාලයක්.ඔය අතරවාරේ කෙල්ලගේ තාත්තත් ඇවිත් මේ කලබල නිසාම.එයා හදන්නේ  අයව uk අරන්‍ යන්න.මට හැමදෙයක්ම එපාවෙලා තිබුනේ බං.විශේෂයෙන් මම හින්දා  කෙල්ලට ආපු ප්රශ්න නිසාඅන්තිමේදී මමම කිවුවා එයාට තාත්තා එක්ක යන්න කියලාඅමාරුවෙන් හරි මම  තීරනය ගත්තා.ඒකි නිසා.හදිස්සියෙන් හරි  කෙල්ලව සැකයි කියලා ඇතුලට ගත්තනම් මම ඒකිගේ මුළු ජීවිතේම විනාශකරපු එකා වෙනවා.අපි හම්බවුන අන්තිම දවසෙදී අපි දෙන්නම බදාගන ඇඬුවා...."

"කවමදාවත් අඬපු නැති මමත් එයත් එක්ක ඇඬුවා.එදා  කෙල්ල කිවුවේ එකම එක දෙයයි.කොහොම හරි එහාට එන්න.මම එනකම් බලාගන ඉන්නවා කියන එකහැමදාම අපි කතාකලා.එතකොටත් ඒකා කියන්නෙම එහාට එන්න කියලා විතරයි.හැබැයි  පවුලෙන් මට කිසිම උදවුවක් ලැබුනේ නෑ ඒකට. වැඩිහිටියන්ටත් ඕනේ වෙන්න ඇති අපිව වෙන්කරන්න. කෙල්ලටත් කරන්න දෙයක් ඉතුරුවෙලා තිබුනේ නෑ.ඒකිත් එහාට ගිය අළුතමනේ."

"උඹ යන්න ට්රයි කලේම බැද්ද බං.....?"

 තිබ්බ ආදරේට මම කොහොමද එහෙම නොකර ඉන්නේ....මම 3පාරක් ගියා බංඒකෙන් එක පාරක් සිංගප්පූරුවෙන් මාට්ටුවෙලා ආපහු ආවාඅනිත් දෙපාරම මැලේසියාවෙදි අහුවුනා.ඔය වෙනකොට මම ජොබ් එකෙනුත් අයින්වෙලා. අස්සේ අපේ අම්මලා මට
මගුල් හොයනවාඔහොම ඉද්දී දවසක් බයික් එකේ යද්දී ඒක ඇක්සිඩන්ට් වුනා.මගේ මූන ගන්න දෙයක් නෑ.මේ පේනවද මූණ තාමත් ඇදයි....ආආ... දක්කද....දත් 9ක් කැඩිලා....මම මේවා හදන්නේ නෑ. ගෙදරින් ගේන මගුල්වලින් මට බේරෙන්න පුළුවන් නිසා....මේවගේ ඉන්නකොට මොන කෙල්ලද මට කැමතිවෙන්නේ....මම අම්මට ආදරෙයිහැබැයි කේන්තියකුත් හිතේ තියනවා. නිසාමයි මම එහෙම කරන්නේ...."

එතකොට කෙල්ල....?"

"ඇක්සිඩන්ට් එකෙන් පස්සේ මම එයාට කතාකලේ නෑ බං.මම මගේ මොබයිල් නම්බර්ස් හිටන් වෙනස්කරගත්තා..... ඒකිගේ නම්බර් සේරම ඩිලීට් කලා.  FB,skype පාස්වර්ඩ් පවා වෙන එකෙක්ට කියලා වෙනස් කෙරෙවුවා,
කවදා හරි මට ආපහු හිතුනොත් ඒකිට කතාකරන්න ,එහෙමවත් අවස්තාවක් මට නොලබෙන්න.ඒකි අද කොහේහරි හොදින් ඇති.... "

"අයියේ....දෙයක් අහන්නම්.... ඇත්තම කියනවද....?" 

"අහපන්....." 

"උඹ ඔච්චර ආදරේ කරපු කෙල්ලගේ ෆෝන් නම්බර් එක උඹට මතක නෑ කියන්නේ ඇත්තටමද....?"

  වේදනාකාරී මුහුනේ මතු වූ සමච්චල්සහගත සිනහව දෙස බලමින්ම මම තවත් දුම්වැටියක් දල්වා ගත්තෙමි.
කටුස්සා....


.ලි.
ජීවිතයේ පළමුවරට රැකියාවක් සදහා විදෙස්ගත වූ මා හට ,මේ සුළුකාලය තුල හමුවූ සොඳුරුතමයා ඔහු වියහෝටල් ක්ශේස්ත්රයේ රැකියාවක් සදහා විදෙස්ගත වූ නමුදු තව මාස කිහිපයක් ඇතුලත වෙනත් ක්ශේස්ත්රයක රැකියාවක් සදහා ඇතුලත්වීමට බලාපොරොත්තුවෙන් සිටින මා හට , සදහා උදවුකරමින් උපදෙස් ලබාදෙමින් මගපෙන්වන්නේද ඔහුමයමේ කතාබහ ඇතිවූවේ ඔහුත් සමග සිදුකල පළමු කතාබහේදීය.මේ සටහන තුල වෙනස්වූවේ  කතාබහෙන් ප්රසිද්ධ මාධ්යක් තුල භාවිතාකල නොහැකි වචන සහ කිසිදු ආකාරයකින් මා හට මතක තබාගත නොහැකි "මිල්ටෙරි"යෙදුම් පමනිඔහු අදත් පවසන පරිදි මාව interview කිරීමට පැමින interview වීමට සිදුවූවේ ඔහුටය.සමහරවිට මේ කතාවේ ගතයුත්තක් නොතිබිය හැක.මිලියන ගනනක් වූ මිනිසුන් අතරින් තවත් එක් මනුස්සයකුගේ කතාවක් පමනක්ම වියහැකඑහෙත්  කතාව මා කම්පනය කරවීය. ඔහුගේ බාහිර චරිතය හා සැසදීමේදී මෙවැනි කතන්දරයක් ඔහුතුල සිරවී ඇතයි සිතීමට පවා අපහසු බැවිනිකොතනක හෝ මේ කතාව අකුරුවූවේ එමනිසාමය.
ෆෝන් එකෙන්අකුරු කෙටීම මහත් සේ පිළිකුල්කල මා මේ කතාව කොටන්නේ තැළුන සුලගිල්ලක් නිසා ලැබුන ලෙඩ නිවාඩු නිසාවෙනි.මෙසේ කොටන අකුරු හැඩ වැඩ කර ඉදිරිපත්කිරීමට මෙවර ඉදිරිපත්වූවේ හිතාදර "ඇනෝපිලිසයා" නැත්තන් මේක පබ්ලිශ් කිරීමට අවස්තාවක් නැත්තේ තවමත් පඩි නොලැබුන නිසා ලැට්-ටොප් එකක් මිලට ගැනීමට නොහැකිවූ නිසාවෙනිෆෝන් කට්ටෙන් එච්චර ලොකු සීන් දැමිය නොහැක.අවසන් පෝස්ටු දෙකම පබ්ලිශ්කලේ දෙමල නයන්න සහ හංචි කුචුම් නගාට පින්සිද්ද වන්නටය.ඉතින් මුන් තුන්දෙනාට පින්සිද්ද වේවායි පැවසීමටද මෙය අවස්තාවක් කරගනිමි.

37 comments:

  1. This comment has been removed by the author.

    ReplyDelete
    Replies
    1. සිද්දිය දුකයි, බං. ඒත් අපූරුවට අකුරුකරලා තියෙනවා. ඔහු තවත් වතාවක් ඈට කතා කලානම් හොදයි කියලා මට හිතුනා
      ඒ වගේම අලුත් රැකියාව හොදින් කරගෙනයන්න සුභපැතුම්.

      ජයවේවා!!!

      Delete
    2. ඒක එහෙම වුනානම් හොදයි තමා.ඒත් ඉතින් ඒ ඒ වෙලාවන් වලදී හොදයි කියලා ගන්න තීරණ අනූවනේ ගොඩක් අය වැඩකරන්නේ.

      ස්තූතියි දුමියා....

      Delete
  2. මොනවා කියන්නද? ජීවිතේ අමතක කරන්න බැරි හුඟක් දේවල් අපි අයාසයෙන් අමතක කරන්න උත්සාහ කරනවනේ. ඒක කොච්චර සාර්ථකද කියලා දන්නේ අපේ හිත්ම තමයි ඉතින්..

    ReplyDelete
    Replies
    1. උඹ අහලා තියනවද, අපිට මොනවා හරි මතකතියාගන්න ඕනේනම් කරන්න තියන හොදම දේ ඒ දේ අමතකකරන්න උත්සහ ගැනීමළු.ජීවිතේට අමතකවෙන්නේ නෑළු .

      Delete
  3. හරිම හෘදයාංගම කතාවක් බං.වැදුනා කියන්නෙ බොක්කටම වැදුනා.ඉක්මනට පිළිවෙලක් වෙලා ලියන්න ගනිං.

    ReplyDelete
    Replies
    1. පිළිවෙලක් වෙන්න කලින් කරන්න xam දෙකක් තියනවා.ගොඩක් දුරට ලබන මාසේ දිහාවට ඒක කරන්න වෙයි. ඒ ටිකත් ඉවරකරගනම දිගටම ලියමු

      Delete
  4. දැනුනා...බරටම හිතට දැනුනා...ආයාසයෙන් අමතක කරපු මතකත් එක්ක ජීවත් වෙන මිනිස්සු බොහොමයි...

    සියලුම ඉදිරි වැඩ කටයුතු වලට සුබ පතනවා මල්ලි.

    ReplyDelete
    Replies
    1. බොහොමත් ස්තූතියි අක්කේ..

      Delete
  5. ඉන්න තැනක හොඳින් හිටපං මස්සිනේ..

    ReplyDelete
    Replies
    1. දැනටනම් අවුලක් නෑ මචෝ....ඔක්කොම හිතන විදිහටම සිද්දවෙනවා.... ඔය වචන ටිකත් ලොකු හයියක්

      Delete
  6. පළවෙනි කෙල්ල වෙන්ස් වීමත් දුකයි. දෙවෙනි කෙල්ල වෙන්ස් නොවීමත් දුකයි. අපූරුවට ලියලා තියෙනවා...

    ReplyDelete
    Replies
    1. මේ ලෝකේ වෙනස් නොවෙන්නේ මොනවද? අවුල තියෙන්නේ ඕක තේරෙන්නේ සෑහෙන්න දුකක් වින්දට පස්සෙනේ.....

      Delete
  7. ඇස් වලට කදුළු ආව වෙන මුකුත් නෙමේ උඹ ප.ලි ය දාල තියන කහ පාට අකුරු ටික කියවල,
    කවුරු කොච්චර බොක්ක දීල කතාකලත් පිට රටකදි පරිස්සම් වෙයන් , විශේෂයෙන් අපේ එවුන්ගෙන්, සමහර විට හොද කෙනෙක් වෙන්න ඇති, ඒත් කල්පනාවෙන් හිටපන්. විශේෂයෙන් ඔය අරක්කු බිවිල්ල තව ටික කාලයක් මිනිස්සු අදුර ගන්නකම් නතර කරගනින්.

    ReplyDelete
    Replies
    1. යකෝ....ඔහොම කියන්න එපා බං හැමෝම ඉස්සරහා.මම බේබද්දෙක් කියලා හිතයි.ඔයා දන්නවනේ සුදූ හිතට ෆිට් නොවෙන කිසිකෙනෙක් එක්ක මම ඔයවැඩේ නොකරන වග...තාම මේ මාසෙටම දෙපාරයි මේකත් එක්කම.

      පළවෙනි මාසේ පඩිය සති දෙකක් විතර පරක්කුවෙනවා කියලා කියලතිබුනත් මේ මගුල් නිවාඩුවකුත් සෙට්වුනානේ. අනික පඩියේ ගානම සෙට්වෙන xam දෙකකුත් සෙට්වුනා අළුත් ජොබනිසා. බඩුමතමයි ඉතින්

      Delete
  8. ගොඩාක් හිතට දැනුනා... වේදනාව ම පිරිච්ච කතාවක් ලස්සනට අකුරු කරලා...

    පළවෙනි කතාව කොච්චර ඇත්තද කියලා අවුරුදු 4 ක අද්දැකමෙන් දන්නවා... කැම්පස් ගිය අලුත ගොඩාක් කෙල්ලෝ ආමි එකේ අය එක්ක තමයි යාලුවෙලා හිටියේ... ඒත් ටික ටික ඒ සංඛ්‍යාව අඩු උනා.. අන්තිම වෙනකොට කීපදෙනයි හිටියේ.... සමහර අයට අර වගේම හැම වියදමක්ම කළේ පිරිමි ළමයා.. ඒත් අන්තිමට එහෙම ඒ කෙල්ලෝ කොහොම කළාද මන්දා... සමහර අය ඒවට හොඳ තර්කත් හදාගත්තා...

    හැබැයි කෙල්ලො විතරක් එහෙමයි කියලා හිතන්න එපා.. ගමේ කෙල්ල අමතක කරපු කොල්ලොත් ඕන තරම් හිටියා.....

    හැම කටයුත්තක්ම සාර්ථකව කරගන්න කටුසු...

    ReplyDelete
    Replies
    1. මම ඔයකතාව අහලා තියනවා. එක එක කාලවලට වෙනස්වෙන මිනිස්සු එක්ක ගණුදෙණු කරනඑකත් හරිජොලි වැඩක් වෙලාවට.ඒ ඔවුන්ගේ අයිතිය තමයි. විවාදයක් නෑ.ඒත් මනුස්සකම එක්ක සාධාරනයකරන්න ගියොත් අවුල්. හොදම වැඩේ තමයි වැඩිය හිතන්නේ නැතුව ඉන්න එක.

      ගොඩක් ස්තූතියි නිර්මාණී.....

      Delete
  9. කතාව ගැනනං දුකක් ඇතිඋනා. වෙන එවුවො ජීවිතේ නැතිකරගන්න නැත්තං මොනවහරි බීල පිස්සු හදාගන්න කේස් එකක් මේකා ලස්සනට ගොඩ දාගෙන තියෙනව.

    මොනව උනත් ‍බොලාගෙ අලුත් තැන වැඩ ටික පරිස්සමෙන් කරගනින්.

    ReplyDelete
    Replies
    1. මේ යකා නැහෙන්න යන විදිහ ප්‍රසා අයියා දන්නේ නෑ.ඕෆ් වෙලාවක නොබී ඉන්න දවසක් මම තාම දැකලා නෑ.හැබැයි අහලා තියන විදිහට ඩියුටියත් කරනවා අකුරටම.

      Delete
  10. මාත් කියෙව්වේ ෆෝන් කට්ටෙන්.. ලොකු අවුලක් නෑ. හොයල බලපං ඇනෝපීලිසා බඩ වෙලාද කියල ඊයේ රෑ අහපු කුනුහබ්බ වලට..
    ගැමුනු වාව මතක් කරා කියපං.. ආ.. එක්කෝ ඕනේ නෑ. මට ඔය කුරුලු හමුදාවේ උන් පේන්න බෑ.. හැක් .

    ReplyDelete
    Replies
    1. මට හිතෙන්නේ මේ යන විදිහට ලංකාවට ආපු ගමන් ඕකා මාව මරනවා.මේ ටික කොටන කොටත් ඒකා මා එක්ක මරාගන්නවා "බල්ලෙක්ගේ" සීන් එකකට.

      මූ උඹට වඩා කුරුළු හමුදාවත් එක්ක තරහින් ඉන්නේ....

      Delete
  11. තමන්ගේ ජීවිතේට සාර්ථක අඩිතාලමක් දාගන්නේ නැතුව ඇයි අනිත් අයගේ ජිවීත වලට අඩිතාලම් දාන්න යන්නේ කියලා මට තේරෙන්නේ නැ..ඒක කවදාවත් සාර්ථක වෙන දෙයක් නෙමෙනේ. තමන්ව ගොඩ දා ගන්න ඕන තමන්.. අනිත් අයව ගොඩ දාන්න ඕන ඒ ගොඩ යාමෙන් තමනට එලියක් ගන්න නෙමේ.. ඒ කෙනා ගොඩට
    ඇවිත් විහිදුවන එලිය දැක ගන්න නොවැටෙන තැනක ඉඳන්....

    ReplyDelete
  12. අවංකව ආදරය කරනවා නම් කටුසු තමන්ට නොලැබුනාට ජීවිතේ අවුල් කර ගන්නෙවත් දුක් වෙන්නෙත් වත් නැහැ..එහෙම වෙන්නෙ ආදරෙ ගනුදනුවක් උනාම. ආදරය දීමක් කටුසු.. අයිති කර ගැනිමක් නෙමේ.. හිත් වලට නිදහසේ පියඹල යන්න ලොකු ශක්තියක් දෙන අනිත් කෙනාට..මම ගොඩක් දකින්නේ ආදරේ නෙමේ.. ගනුදෙනු.. ගනු අරගෙන දෙනු නැති උනාම ජීවිතේම අවුල්.. ඇයි තමන් කරල තියෙන්නෙ ආදරය නෙමෙ කියලා තමන්ටම තේරෙනවා..ඉතින් කොහොමද ගොඩ යන්නේ..

    ReplyDelete
    Replies
    1. කමෙන්ට් දෙකටම මෙතන උත්තර දෙන්නම්.කියලා තියන දේ ගැන විවාදයක් නෑ.එකඟයි. ඒත් මේ කතානායකයාගේ ජීවිතය ගැනනම් එහෙම අවුලක් තිබුනේ නෑ. මම ගොඩක් පිලිගන්න කතාවක් තියනවා.මේ ලෝකේ ඉන්නේ අලු මිනිස්සු විතරයි කියන එක.ඔය කතාව ගෑණුළමයාගේ පැත්තෙන් ඇහුවොත් මීටවඩා වෙනස් කතාවක් ඇති. අපි අපේ ජීවිතගැන තීරණයක් ගනිද්දී ඒ තීරණය බලපාන්නේ අපේ ජීවිතේටවිතරක්නම් කවඩ්ගාවත්ම ඒකගැන හිතන්න ඕනේකමක් නෑ.ඒත් ඒ තීරණය නිසා තවකෙනෙක්ගේ ජීවිතේටත් බලපෑමක් වෙනවනම් දෙපාරක් නෙමෙයි,සියපාරක් හිතුවත් කමක් නෑ.

      දෙවනි එකට දෙන්න උත්තරයක් මට නෑ

      "ආලේ බිඳුන දා කුමකට හඬනවාද සකී
      ආලවඩන යන තේරුම බෝසත්කම සකී"

      Delete
    2. //"ආලේ බිඳුන දා කුමකට හඬනවාද සකී
      ආලවඩන යන තේරුම බෝසත්කම සකී" //

      ඒක ඇත්ත කටුසු.. මට මගෙ සැමියා හමු වෙන්නෙ මගේ අම්මා නිසා.. ඊට කලින් කිසිම කෙනෙක් එක්ක මගෙ කිසිම සම්බන්ධයක් තිබිල නැ... නමුත් ඔහුට බැඳුනු මගෙ හිත මට මගෙ ජිවිතෙ හැම හීනයක්ම නැති කලා..මම නැති කර ගත්ත කිව්වොත් හරි. මං කල හැම කැපවීමකින්ම උඩට ගියේ ඔහු.. මම ගියේ යටට.. ඒත් අදටත් මට ඕන ඔහුව මට වඩා ඉහලට ගේන්න..  ඒ මං ඔහුට ආදරය කරන නිසා..මං දන්නවා ඒකින් වෙන්නෙ මට තවත් දේ නැති වෙන එක..ඒත් මිට අවුරුදු 8 කට කලින් මං ගත්ත තිරණය ඔහු මොන විදිහට හැසිරුනත් වෙනස් වෙන්නෙ නැ. ඒ මම ඔහුත් එක්ක ඉන්නේ හිටියේ ඔහුට මට දෙන්න පුලුවන් දේවල් වලට නෙමෙ.. මට ඔහුට දෙන්න පුලුවන් කියල හිතෙන දේවල් නිසා..ඒකට මං ඔහුගෙන් බලාපොරොත්තු වෙන්නෙ මට වඩා ඉහලට යන එක ජිවිතේ හැම අතින්ම , මට මුල ඉඳල පටන් ගන්න උනත් ජීවිතේ. මට දෙන්න බැරි දෙයක් කටුසු ඔහු වෙන තැනකින් ගත්තට මගෙ අරමුණ එක දශමයකින් වත්  වෙනස් වෙන්නෙ නැ..වරදවා ඔහු ගැන හිතන්නෙත් නැ. ආදරය දීමක්.. පෙරලා බලාපොරොත්තු නොවි.. අද මමත් නොවැටි ඔහුවත් නොවැටි ජිවිතේ අරන් යනව ඉස්සරහට..

      Delete
    3. මම කවමදාවත් බලාපොරොත්තු නොවුන විදිහට තමන්ගේ පෞද්ගලිකත්වය ඉස්සරහට දාලා මෙහම කියපුඑකට මම ඔයාට ගොඩක් ගෞරවකරනවා චතූ.... ඒත් මම දැන් හිතට එන දේවල් සම්පූර්ණයෙන් ඔයාට කියන්නේ නෑ.ඒ මේකේ කෙල්ලන්ව සෙල්ලම්බඩු විදිහට සලකන බලු පැටවු ටිකක් තාම ඉන්න නිසා.ඔයා වගේ කාන්තාවන් නිසා මම ඒ පද මේ විදිහට වෙනස් කරන්නම්.....

      එවන් බිරිඳක් ලද සැමියෙක්
      එවන් මවක් ලද පුතෙක්
      මෙවන් දියණියක් ලද පියෙක්
      නිසකව නිවුනානම් වේ......

      Delete
    4. මම කවමදාවත් බලාපොරොත්තු නොවුන විදිහට තමන්ගේ පෞද්ගලිකත්වය ඉස්සරහට දාලා මෙහම කියපුඑකට මම ඔයාට ගොඩක් ගෞරවකරනවා චතූ.... ඒත් මම දැන් හිතට එන දේවල් සම්පූර්ණයෙන් ඔයාට කියන්නේ නෑ.ඒ මේකේ කෙල්ලන්ව සෙල්ලම්බඩු විදිහට සලකන බලු පැටවු ටිකක් තාම ඉන්න නිසා.ඔයා වගේ කාන්තාවන් නිසා මම ඒ පද මේ විදිහට වෙනස් කරන්නම්.....

      එවන් බිරිඳක් ලද සැමියෙක්
      එවන් මවක් ලද පුතෙක්
      මෙවන් දියණියක් ලද පියෙක්
      නිසකව නිවුනානම් වේ......

      Delete
    5. ස්තුතියි කටුසු.. මට මගේ ජිවිතේ කිසිම දෙයක් නැ හංගන්න.. ඒක හේතුව අම්මයි තාත්තයි. ඕනම කෙනෙකුට මූණ දෙන්න චකිතයක් මගේ හිතේ නැහැ.. ගෑනු ලමයි සෙල්ලන් බඩු විදිහට දකින එක මේ ලොකේ නවත්තන්න පුලුවන් දෙයක් නෙම කටුසු, කවද හරි ගෑනු ලමයිම තීරනය කරන්න ඔන ඒක.

      Delete
  13. මගේ කෙනත් මමත් campus යන්න ඉන්නෙ. දුක්බර කතාවක්.

    ReplyDelete
    Replies
    1. යකෝ...හැම මනුස්සයාම එහෙම නෑ....

      Delete
  14. මගේ කෙනත් මමත් campus යන්න ඉන්නෙ. දුක්බර කතාවක්.

    ReplyDelete
  15. ගාමිණී අන්තිමට ගත්තු තීරණේට එකඟ වෙන්න බෑ.
    ඉන්න තැනක සිහියෙන් ඉඳපන් මචෝ..
    ජයවේවා..!!

    ReplyDelete
    Replies
    1. ඔහේදී නොතිබුන සිහිය මෙහේදී මතුවෙනකන් තමයි මමත් බලාගන ඉන්නේ....
      ජයවේවා.....

      Delete
  16. කටුසු මලේ, උම හොඳින් ගිය තැන සෙට්ල් වෙලා ඉන්නවා දකින එක සතුටක්. මේ කතාව නම් අර හැලපේ කිව්වා වගේම බොක්කටම වදින එකක්. ආදරය වෙනුවෙන් තමන්ගේ සතුට පූජා කරපු නියම ආදරවන්තයෙක් කියල පොරට කියපන්....

    ReplyDelete
  17. ඔහොම මිනිස්සු ජීවත් වෙනව බං කම තැනම හිතේ තියෙන දුක් හංගගෙන හිනා වෙලා. වෙන කියන්න දෙයක් හිතට එන්නෙ නෑ. ඉන්න තැනක හොඳින් හිටපං.. එච්චරයි..

    ReplyDelete